Otsailaren 23an, ostirala, 90 lagun inguru bildu ginen boluntariotzaren errealitateaz eta bere etorkizunaz gogoeta egiten jarraitzeko. Gurekin izan ziren Sebastián Mora, Cáritas Españolako idazkari nagusi ohia, eta Elena Andrés, Interioritatean aditua. Boluntariotzari eta boluntariotzaren erronkei inguruan hausnarketa egin genuen beraien esku, boluntariotzaren errealitatea IKUStearen lehen fase honetan sakonduz.
Gero eta adinez zaharragoak garela, edo erlijiosoa baino gehiago etikoa eta gizatiarra den konpromiso baten aurrean gaudela, likidoagoa dena, erantzunak bilatzera desafiatzen gaituzten agertokien artean daude.
Sebastián Morak banaka-banaka aztertu zituen gaur egungo boluntario-lanaren ezaugarriak eta Caritasen borondatezko ekintzaren oinarrietako bat nabarmendu zuen: "Boluntariotza ezin da izan proiektu instrumental baten alderdi atsegina. Gizarte-ekintzak harremanean oinarritu behar du". Elena Andrések, berriz, itxaropena nabarmendu zuen, beste pertsona batzuen alde lan desinteresatua bultzatzen duen motorretako bat delakoan. Irakurketa interesgarria eskaini zigun alderdi erlijiosotik, ekintzarekin bat datorren ikuspegi gogoetatsuago batean sakonduz. Izan ere, Andresek nabarmendu zuen: "Lanean jarraitu behar dugu, justizia nagusi den lurralde bat iristeko itxaropenari eusten diogun bitartean".
Azpian aurkituko duzun bideoan ikus ditzakezu hitzaldi osoak, baita jardunaldiko argazki batzuk ere. Dakizuen moduan, Caritas Gipuzkoaren Boluntariotza planaren eraketa prozesu ireki eta parte-hartzailea da, eta ahalik eta iritzi eta gogoeta gehien jaso nahi ditugu. Gaian sakontzen jarrai dezakezu eta zure ekarpena egin dezakezu jarraian aurkituko duzun estekan. Zure ikuspegia garrantzitsua da egorkizuneko elkartasuna eraikitzeko, parte-hartu nahi baduzu, sakatu hurrengo botoian:
