Gipuzkoarron bultzadari esker, etorkizuna eraldatuz Jarraituko al dugu?

60 urte jasotakoa ereiten

Gure 60. urteurrenaren ospakizunaren barruan, ez genuen funtsezko zerbait ahaztu nahi: eskerrak ematea. «60 urte jasotakoa ekintza bihurtuz» leloak Caritas Gipuzkoak sei hamarkada hauetan jaso duen guztiaz hitz egiten du, eta jasotako hori laguntza, aukera eta itxaropen bihurtzeko izan duen gaitasunaz. Kanpaina honen bidez, hori guztia posible egin duzuen pertsona guztiak aitortu nahi ditugu.

Aurten sei hamarkadako ibilbidea ospatzen ari gara Caritas Gipuzkoa osatzen dugunontzat urte hauek zer izan diren ondo laburbiltzen duen lelo batekin: «60 urte jasotakoa ekintza bihurtuz».

Denbora honetan guztian erein egin dugu, bai. Baina aurretik jaso dugun guztiari esker egin ahal izan dugu hori. Denbora, konpromisoa, eskuzabaltasuna, konfiantza, ezagutza, baliabideak, irekitako ateak, luzatutako eskuak... Milaka pertsonaren erantzunak egin du posible Caritas Gipuzkoaren erantzuna.

Horregatik, urteurren honetan, ez genuen eskerrak ematea ahaztu nahi.

Hortik sortu da «Gipuzkoarron bultzadari esker, etorkizuna eraldatuz. Jarraituko al dugu?»kanpaina. 60 urtez pobreziaren eta gizarte-bazterketaren aurrean erantzuten jakin duen gizarte bati eskerrak emateko kanpaina da, eta, aldi berean, horretan jarraitzeko gonbidapena.

Erantzun hori ikusi dugu zuen denbora boluntariotzari eskaintzen diozuen pertsonengan; ekonomikoki laguntzen duzuenongan; ateak irekitzen dituzuen komunitateetan; aukerak sortzen laguntzen, bidelagun izaten eta harrera egiten duzuenongan; eta zuen auzo eta herrietako errealitatean aktiboki inplikatzea erabakitzen duzuen hainbeste pertsonarengan.

Hori ere bada «jasotakoa ekintza bihurtzea»: doan ematen zaiguna beste pertsona batzuentzako aukera berri bihurtzea.

Erantzun bakoitzak garrantzia duelako. Norbaitek bidelagun izatea erabakitzen duenean, aukera bat eskaintzen duenean, partekatzen duenean, harrera egiten duenean edo beste pertsona bati aurreiritzirik gabe begiratzen dionean, zerbait alda daiteke. Etorkizuna ez da inertzia hutsa: gure erantzunekin ere eraikitzen da.

Kanpaina bideoan

Eskerrak emateko bat egin duten sei ahots

Mezu hau zabaltzeko, Gipuzkoako gizartearen oso esparru desberdinekin lotutako sei pertsonaren laguntza izateko zortea izan dugu: Azu Muguruza, saskibaloi-entrenatzailea, Ander Barrenetxea Realeko futbolaria, Elena Arzak sukaldaria, Iñaki Artolapilotaria, Pedro Miguel Etxenike fisikaria eta Lucía Lacarra dantzaria.

Guztiei eskerrak eman nahi dizkiegu bereziki. Eskerrik asko zuen irudia eta ahotsa eskaintzeagatik eta, batez ere, kanpaina honen mezua zeuen egiteagatik eta urrunago iristen laguntzeagatik.

Bakoitzak bere ibilbidetik egiten du bat mezuarekin.

Azu Muguruza

Azu Muguruzak aurreiritzirik gabe begiratzera eta pertsonen gaitasunak ikustera gonbidatzen gaitu.

Ander Barrenetxea

Ander Barrenetxeak, futboletik abiatuta, norbaitek zugan sinetsi eta aukera bat ematen dizunean bizitza zenbateraino alda daitekeen gogorarazten digu.

Elena Arzak

Elena Arzakek sukaldaritzara jotzen du pertsona guztiek beren tokia aurkitu eta parte hartu eta ekarpena egin ahal izango duten gizartea aldarrikatzeko.

Iñaki Artola

Iñaki Artolak zailtasun baten ondoren berriro hasteko eskubideaz hitz egiten du.

Pedro Miguel Etxenike

Pedro Miguel Etxenikek ezagutza eta etorkizuna lotzen ditu, prestakuntzan eta enpleguan arreta jartzeko.

Lucía Lacarra

Eta Lucía Lacarrak bizitza hobea eraikitzeko ahaleginean ari diren pertsonentzako ahaleginaren, bidelaguntzaren eta harreraren balioa aldarrikatzen du.

Sei ahots eta sei begirada, gizarte bidezkoagoa eguneroko loturetan, eskaintzen ditugun aukeretan eta komunitatea eraikitzeko dugun gaitasunean ere eraikitzen dela gogorarazteko.

La campaña en la radio

Cuña de radio 01 Escuchar cuña Cuña de radio 02 Escuchar cuña

Eskerrik asko egindako bideagatik. Jarraituko dugu?

60. urteurrenak atzera begiratzera eta eskerrak ematera gonbidatzen gaitu, baina baita aurrean dugunari begiratzera ere. Pobreziak eta bazterketak Gipuzkoan presente jarraitzen dutelako. Prekarietatea, bakardadea, migrazioak, etxebizitza eskuratzeko zailtasunak edo eskubideen galera pertsona askoren bizitzaren parte dira oraindik ere.

Horregatik, «Jarraituko al dugu?» etorkizunera begiratzen duen galdera da.

Gizarte-errealitateari erantzutea ez da Caritasen edo gizarte-erakundeen zeregina soilik. Guztion ardura da, eta eraiki nahi dugun gizartea nolakoa izatea nahi dugun erabakitzeko modu bat ere bada.

60 urtez, Gipuzkoak erantzun egin du. Eta erantzun horrek bizitza asko aldatzen lagundu du. Gaur egun ere badira aukerak, bidelaguntza, harrera eta parte sentitzeko komunitate bat behar dituzten pertsonak.