Bizi garen munduak pobrezia eta bazterkeria sortzen ditu. CARITAS GIPUZKOAren Miriam proiektuak, laguntza eta konpainia egitea, denbora eta dedikazioa behar duten egoerei erantzuna ematen die. Hori dena, pertsona guztien duintasunari edukia emateko.

Ahultasun sozialean dauden emakumeei harrera egin, eta aintzat hartzea da Miriam proiektuaren helburu nagusia. Miriamen zeregina, gaitasun eta ahalmenetatik abiatuta, emakumearen sustapen osoa lortzea da.

Boluntarioen eta kontrataturiko langileen koordinazioari esker, Miriamek, pertsonen garapena lortzeko bi arlo ditu:

• Entzutea. Helburu nagusia, harrera hurbila eta enpatikoa egitea da, proiektura hurbiltzen diren emakumeekin “egoteko” denbora eskainiz, haien egoerak ikusarazteko eta erantzun integrala ematen saiatzeko. Hau da, lan-eskaera baten estutasunean ez geratzea.

• Prestakuntza. Autoestimuarekin, motibazioarekin, jabekuntzarekin, balioetan oinarritutako hezkuntzarekin, gatazken kudeaketarekin… lotutako trebakuntza-tailerrak eta jarduerak eskaintzen dira. Halaber, baita beste prestakuntza-mota bat ere, teknikoagoa, pertsonak lan-munduan eraginkorragoak izateko gaitzeko balio duena.

Proiektuak Miriamera datozen pertsonen garapenean eta plangintzan lagundu nahi du, beren helburuak lortzeko beharrezko urratsak eman ditzaten.

Harremanetarako: Fatima (miriam@caritasgi.org) 943 29 10 49