Espazio horien helburua da kristau-komunitatea osatzen dugun pertsonen arteko topaketa eta errekonozimendua bultzatzea, zenbait jardueratan parte hartuz eta, horrela, loturak eta partaide izatearen sentimendua sendotuz.
Esku-hartzearen eginkizuna eta ekintza-ildo nagusiak
Zentzu horretan, gizarte-dimentsioa duten eliz ospakizunak sustatu ziren; besteak beste, Gabonetako ospakizuna (Groseko San Inazio elizan, Donostian) edo Gabonetako Kontzertu Solidarioa (Donostiako Udal Txistulari Bandarekin eta Mariaren Bihotza Abesbatzarekin lankidetzan). Elizbarrutiko hiri-udalekuak antolatzen ere lagundu zuen.
Espazio publikoetako jarduerei dagokienez, 2025ean Opil Solidarioaren VI. edizioa egin zen; Irungo Taupagunea sentsibilizazio-gunea (etxebizitzari eta pertsona migratzaileen egoerari buruzko eztabaida publikoekin); eta Pertsona Migratzaileen Eguna gogoratu genuen zen Bidasoko mugan ekitaldi sinboliko batekin.
Aktiboki parte hartu genuen, halaber, Isilune Zirkuluetan. Berritasun gisa, iaz jarri ziren martxan TaupaGros (Donostiako San Inazio elizaren inguruan) eta Taupa-bira. Azken honek ekimena Errenteria, Elgoibar, Tolosa, Zumarraga eta Zumaiara hurbildu zuen. Gainera, lehen aldiz, Afari Solidario bat sustatu zen, Caritasek lagun egiten dien gazteen egoerari buruzko sentsibilizazio-dinamika gisa.
