Pertsona migratzaile eta errefuxiatuekiko elkartasun-ekintza da Isilune Zirkulua, 2007an, Tolosan (Frantzia) abian jarritako ekimena. Mugak zabaltzea, harrera eta Giza Eskubideen defentsa aldarrikatzen ditu oihu isilak.
Duela lau urte, pertsona-talde bat, elkarteek, GKEek, kongregazioek... lehen aldiz Zirkulu handi batean, eta Isilik, bildu ginen. Orduz geroztik, Europako hainbat hiritan antolatzen diren ekimenen altzoan, garrasi egiten duen ahots bakarra, pankarta bat da.
Hileko hirugarren ostegunero, hau da, gaur, (19:30etan), “Harrera-Abegi Ona, Inclusion-Hospitalidad” lemapean, pankarta Gipuzkoa plazan (Donostia) zabaltzen dugu.
Gero eta herritar gehiagok egin dute bat Isilune Zirkuluarekin. Hilero-hilero, pertsona asko jasaten ari diren errealitate desberdinak gogoratzeko elkartzen gara: mugak ixtea, atzerritarren legea gogortzea, indarkeria, isiltzea, kanporatzeak…
Gaur, ordu laurdeneko isilunearen ostean, Caritaseko etxebizitza eta zentroetan bizi diren pertsona eta familiei laguntzen dien CARITAS GIPUZKOAko Etxebizitza eta Egoitza sailak, honoko idazki hau irakurriko dute.
Gogoratu, gaur, 19:30etan Donostiako Gipuzkoa plazan elkar ikusiko dugu.
