AHOTS ISILDUEN
ZIRKULUA 

Pertsona migratzaile eta errefuxiatuekiko elkartasun-ekintza da Isilune Zirkulua, 2007an, Tolosan (Frantzia) abian jarritako ekimena. Mugak zabaltzea, harrera eta giza eskubideen defentsa aldarrikatzen ditu oihu isilak. 

Duela lau urte, prestaketa lanetan hilabeteak eman ondoren, pertsona-talde bat, elkarteak, GKEak, kongregazioak... lehen aldiz Zirkulu handi batean, eta Isilik, bildu ginen. Orduz geroztik, Europako hainbat hiritan antolatzen diren ekimenen altzoan, garrasi egiten duen ahots bakarra, pankarta bat da. Hileko hirugarren ostegunero (19:30etan), “Inclusion-Hospitalidad, Harrera-Abegi Ona” lemapean, Gipuzkoa plazan (Donostia) zabaldu ohi dugu. 

Gero eta herritar gehiagok egin dute bat Isilune Zirkuluarekin. Hilero-hilero, pertsona asko jasaten ari diren errealitate desberdinak gogoratzeko elkartzen gara: mugak ixtea, atzerritarren legea gogortzea, indarkeria, isiltzea, kanporatzeak… 

Joan den martxoan, gure laugarren urteurrena ospatzeko prestatzen ari ginela, gure etxeetan egoteko esan ziguten. Hemen jarraitzen dugu. Pandemiak ezinezko egiten du elkarrekin biltzea, baina gure garrasi isilak, salaketak, indarrean dirau. 

Gaur, hilabete geroago, egungo egoerak are gehiago pentsarazten digu. Errealitateak, galderak, zalantzak eta incetidumbreak plazaratzen ditu, baina aukerez eta itxaropenez ere hitz egiten digu. 

 Orain, agian, guztiok “ihesi” gabiltzanean, guztiok “harrapatuak izateko beldurra” dugunean, Denok, etorkizunaren “segurtasun eza” sumatzen dugu. Gure etxeetatik ozenago hitz egiten jarraitzen dugu: pertsona guztientzako paperak eskatzen ditugu, arrazagatik edo pobrezia-aberastasunagatik bereizten gaituzten mugak ez ditugu nahi. Behingoan ulertuko al dugu inor ez dela munduaren erdigunea? Gai izango al gara pixka bat urrituz, elkarrekin, hazteko? 

Isilune Zirkulutik, ez daudenekiko, oroitzapen bat izan nahi dugu. Itsasoetan, hesietan, kaleetan, ospitaleetan... bizitza galdu dutenak. Horiek guztiak gogoan, hurbiltasunaren, harreraren eta oroitzapenaren kandela piztu nahi dugu. 

Elkartasun-zirkuluak familietan, auzoetan, auzoetan eta herrietan sortu dira. Urruntasunetik, haiekin guztiekin Zirkulua partekatzen dugu. Hori dela eta, hil honetan, hau da, datorren ostegunean, apirilak 16, 19:30etan, banaka, familian, komunitatean... Isilune Zirkuluak, bat egiteko gonbita luzatzen dizu. Kandela bat piztu, eta gure etxeetan zirkulu txiki bat egin dezagun Isiltasunetik, HARRERA eta ABEGITASUNA aldarrikatzeko. Bat egin eta aurrera egiteko aukera berri bat. 

 Mila esker Isilune Zirkulua bizirik eta hazten jarrai dezan laguntzen duzuen guztioi.