Biziraupena bermatzea, giza duintasunaren oinarri
Diru-sarrera nahikoak eta egonkorrak izatea ezinbesteko baldintza da oinarrizko eskubideak eskuratzeko, hala nola, elikadura, etxebizitza, osasuna edo parte-hartze soziala. Pertsonek edo familiek bere bizi-beharrak asetzeko gutxieneko baliabide ekonomikorik ez duten egoerei erantzuten die laguntza esparru honek.
Gizarte bazterketaren dimentsio nagusi bati heltzen dio: gabezia material iraunkorra, prestazio publikoak eskuratzeko zailtasunek larriagotua, langabeziak, lan prekarioak, genero-desberdintasunak, migrazio-prozesuek edota oztopo administratiboek. Arlo honetan, Caritasek duintasunez bizirautea bermatzeko lan egiten du, premiazko beharrak arintzeaz gain, laguntza eta autonomia prozesuak indartzen dituzten laguntzen bidez.
Zertan datza bidelaguntza?
Parrokietako Caritas-ak: gertutasuna eta hurbileko erantzuna
Caritasera hurbiltzen diren pertsona gehienek parrokien bidez egiten dute. 76 dira elizbarruti osoan, eta parrokietako Caritas hauek lehen harrera egiten dutenak dira: lasaitasunez entzunez, goxotasunez pertsonak eusten, egoera bakoitza baloratuz eta egunerokotasunak errazten duen gertutasunetik bidelagun izanez.
Lurralde osoan hedatua dagoen giza-sare hau gure ekintzaren bihotz bizia da. Bertan sortzen dira lehen harremanak eta hurbileko erantzunak. Bidelaguntza jaiotzen den lekuan, sarritan, itxaropena pizten da.
Atzemandako inpaktuak
- Larrialdiko egoerak arintzea baliabiderik gabeko/diru-sarrera nahikorik ez duten familietan.
- Gutxieneko egonkortasun baldintzak mantentzea.
- Autonomia prozesu zabalagoetarako zubi funtzioa.
- Gizarteratze prozesuei bide ematen dien ikuspegi integrala.
Etorkizuneko erronkak
- Gizarte-prestazioetarako sarbidea erraztea, oztopo administratiboak eta laguntza falta gaindituz.
- Bazterketa digitalari erantzutea alternatiba eskuragarriekin eta akonpainamendua eskainiz.
- DBEaren nahikotasuna indartzea, bizitza duina bermatu dezan.
- Prozesu konplexuen aurrean, Lanbiderekin eta Gizarte Zerbitzuekin koordinazioa hobetzea.
