Datorren azaroaren 28an, larunbata, Donostiako Seminarioan elkartuko gara, espiritualtasunaren, gure jardunaren zentzuaren eta beste pertsonekiko konpromisoaren inguruan hausnartzeko eta elkarrekin hitz egiteko.
Oraingo honetan, Francesc Torralba filosofo eta teologoa izango dugu gurekin. Torralba Urgellgo Gotzaindegiko Càtedra de Pensament Cristià eta Ramon Llull Unibertsitateko Càtedra Ethos d’Ètica Aplicada katedretako zuzendaria da. «Espiritualidad y acción volutaria» izenburupean, beste pertsonekin konprometitzera zerk bultzatzen gaituen, gure jardunari zer zentzu ematen diogun eta espiritualtasunaren, askatasunaren eta besteei geure burua eskaintzearen arteko harremanaz hausnartzera gonbidatuko gaitu Torralbak.
Caritas Gipuzkoan badakigu beste pertsona batzuei laguntzeak gelditzea, geure buruari galderak egitea eta gure motibazioak berrikustea ere eskatzen duela. Horregatik, kezkak partekatzeko, ikuspegi desberdinak entzuteko eta gure eguneroko jardunaren zentzuan sakontzen jarraitzeko gune bat eskaini nahi dugu, bai boluntariotzaren ikuspegitik, bai lan profesionalaren ikuspegitik.
Ez da Francesc Torralbarekin elkartuko garen lehen aldia. Iaz, pertsonaren duintasunari buruz harekin batera hausnartzeko aukera izan genuen. Oraingo honetan, berriro elkartuko gara, gure konpromisoarekin lotutako beste gai batzuetan elkarrekin sakontzeko.
Goizean zehar bi gai nagusi landuko ditugu: espiritualtasuna eta horrek bizi-helburuarekin eta beste pertsonei geure burua eskaintzearekin duen lotura; eta boluntariotasuna, askatasunetik eta norberak bere burua determinatzeko duen gaitasunetik ulertuta. Torralbaren hitzaldiak talde-lanarekin eta elkarrizketarako tarteekin uztartuko dira, gure esperientziak eta hausnarketak partekatzeko eta hizlariari galderak egiteko aukera izan dezagun.
Topaketaren egitaraua
Azaroak 28, larunbata | Donostiako Seminarioa
- 9:30 - Harrera eta otoitza.
- 10:00 - Espiritualtasuna: esanahiak eta bizi-helburuarekin eta norbere burua eskaintzearekin duen lotura.
- 10:45 - Talde-lana eta elkarrizketa
- 11:30- Atsedena
- 12:00 - Boluntariotasunaren kontzeptua: norberak bere burua determinatzeko gaitasuna eta askapenaren praktika boluntariotzaren azken helburu gisa.
- 12:45 - Talde-lana eta elkarrizketa
- 13:30 - Amaiera
- 13:45 - Lunch
Topaketa honetan parte hartzera animatzen zaituztegu, goiz bat elkarrekin hausnartzen ematera eta gure konpromisoari zentzua ematen dion horretan sakontzen jarraitzera.
Eman izena eta parte hartu!
Izena emateko epea azaroaren 13tik 24ra egongo da zabalik, bi egunak barne.
