Bigarren blokea: Pertsona, erdigunean
Dakizuen bezala, ikasturte honetan Caritas Gipuzkoako Gizarte Ekintzaren Eredua eguneratzeko lana jarri diogu gure buruari, bizi dugun errealitate aldakorrari hobeto erantzuteko eta Caritas izateak eta Caritasen parte izateak esan nahi duenaren balioak eta oinarriak indartzeko.
Otsaila eta martxoa bitartean, zeregin horretan aurrera egitera eta Gizarte Ekintzaren Ereduaren bigarren zutabea lantzera gonbidatzen zaituztegu: PERTSONA ERDIGUNEAN. Izen horrekin, eskaintzen dugun laguntza pertsonalizatzeko ahalegina adierazi nahi dugu; hau da, “denontzako kafe” bat izatetik urrun, entzuten dugun pertsona bakoitzaren egoerari, kezkei, zalantzei eta beharrei erantzuten dien arreta espezifikoa izatea. Eta ez dago bi pertsona berdin.
Lehen fasean egin genuen bezala, zuen taldeetan, eremuka edo zerbitzuka biltzera animatzen zaituztegu, bloke honen inguruan hausnartu eta iritziak partekatzeko.
- Partekatutako materiala
Aurreko hiruhilekoan “GEEtik bidelagun izatea” koadernotxoa etxean jaso zenuten, partekatutako gida gisa balioko diguna. Kasu honetan, abiapuntu gisa materialeko bigarren blokea (12-17 orrialdeak) irakurtzera gonbidatzen zaituztegu.
Bertan, proposamenak, galderak, testuak eta dinamikak aurkituko dituzue, eguneroko lanean bizi duzuenari buruz hitz egiteko, esperientziak partekatzeko eta hitzetan jartzeko. Koaderno hau online ere eskuragarri duzue:
- Zuen gogoetak nola helarazi
Zuen ekarpenak modu erraz eta ordenatuan jasotzeko, galdera giltzarri batzuk dituen formulario digital bat prestatu dugu, zuen eguneroko praktikan pertsonalizazioak duen lekuari buruz hausnartzen laguntzeko helburuz.
Elkarrizketa labur baten ondoren, talde edo lantalde gisa erantzutera gonbidatzen zaituztegu.
Garrantzitsua: talde bakoitzeko erantzun bakarra eskatzen dizuegu (pertsona batek ekarpena jaso eta bidaltzeaz arduratu daiteke). Formularioa esteka honetan dago eskuragarri:
GALDETEGIA BETE: PERTSONALIZAZIOA
Gogoetak bidaltzeko epea: 2026ko martxoaren 31, ekarpen guztiak sintesi bateratuan txertatu ahal izateko.
Eskerrik asko prozesu honetan gurekin aurrera jarraitzeagatik.
Eskerrik asko zuen begirada konprometituagatik, zuen hitzagatik eta zuen itxaropenagatik.
Bidean jarraitzen dugu.
