Pozik eta gogotsu partekatzen dizuegu gure gotzainak, Mons. Fernando Prado Ayusok, 2025eko Jubileua dela eta idatzitako «Harengan gure itxaropena» idazki pastorala.
Garai hau bereziki, gure gizarteko pertsonarik ahulenekiko berritze eta konpromiso une bat bezala bizitzera gonbidatzen gaitu gotzainak. Gogorarazten digu zerbitzatzen dugun pertsona bakoitza ez dela soilik laguntza hartzailea, baizik eta, gu bezala, ikusia, entzuna eta maitatua izatea bilatzen duen norbait. Caritaseko boluntario eta/edo kontratatu gisa dugun zeregina ez da soilik materiala; espirituala eta gizatiarra ere bada: gehien behar dutenei duintasuna eta itxaropena itzultzea.
Caritasek, Elizaren ekintzaren hedapen bizia den aldetik, komunitate abegitsu eta baztertuenekin konprometitua izateko erantzukizuna du. Horrek Caritasera hurbiltzen direnei begi berriekin begiratzea dakar, aurpegi bakoitzaren atzean istorioak, sufrimenduak eta ametsak daudela kontutan hartuta. Gotzainaren gutunak bizitzak eraldatzen dituen esperantza baten lekuko izatera bultzatzen gaitu, hurbiltasunez, samurtasunez eta errukiz jokatuz.
Jubileu hau gure konpromisoa indartzeko aprobetxa dezagun, ez bakarrik karitatezko ekintza bezala, baizik eta gure fedetik sortzen den misio sakon bezala. Gure gotzainak dioen bezala, "elkartasun keinu bakoitza esperantza hazi bat da, gizarte justuago eta gizatiarrago bat eraikitzen laguntzen du".
