Caritas Gipuzkoaren komunikazio instituzionala tresna estrategiko, ebanjelizatzaile eta eraldatzailea da. Ez da informatzera mugatzen: lagundutako pertsonei ikusgarritasuna ematea bilatzen du, elkartasun eta justizia kultura sortzea, eta imajinario sozialak eta politika publikoak eraldatzen laguntzea.
2024an, komunikazioaren barne-koherentzia sendotu egin da, eta lagundutako pertsonei eta boluntarioei protagonismo handiagoa eman nahi izan zaie, haien errealitateen eta istorioen bozeramaile eginez. Era berean, mezuek gizartean duten eragina areagotzea bilatu da, hedabide sozial berrietara egokituz.
Lan esparruak
- Kanpaina instituzionalak: ikusezina dena ikusarazi
Irailetik aurrera, etxebizitza duina izateko eskubidea ardatz duen kanpaina plana jarri zen abian. Ekimen hau hiru ataletan oinarritutako egitura batetik garatu da: testigantza erreala, mezuaren fundamentazioa eta ekintza proposamena:
- Garizuma 2024: ‘Ekin, partekatu zure onena’.
- Corpus 2024: ‘Keinu txikiek ere komunitatea egiten dute’.
- 2024ko iraila: ‘Etxebizitza eskubidea pertsona guztiontzako’.
- Gabonak 2024: ‘Familia guztiontzako aterpea’.
- Kanalak eta komunikabideak: mezua zabaldu
Kanal anitzeko komunikazioa indartu da, webgunearen erabilgarritasuna hobetuz eta zuzenkeko informazio bideak landuz.
- Webgunearen home-a eta sentsibilizazio atala berritu dira. 65 albiste argitaratu dira.
- Sare sozialen eguneratzea: Facebook, Instagram, X, YouTube.
- MailChimp bidez 105 mezu elektroniko eta WhatsApp instituzional bidez 158 mezu bidalita.
- Hedabideetan, 40 agerraldi baino gehiago, eta 4 prentsaurreko: Opil Solidarioa, Etxerik Gabeko Pertsonen eguna, 2023ko memoriaren aurkezpena eta Taupagunea-Oñati.
- 7 iritzi-artikulu argitaratu dira El Diario Vasco, Noticias de Gipuzkoa, Berria, Naiz, SER Euskadi eta eldiario.es-en, boluntarioen parte-hartzearekin.
- Edukien ekoizpena: ahotsa eman, aurpegi eta mezuarekin
20 bideo baino gehiago sortu dira, hainbat gairi buruz:
- Liturgia kanpainak: Garizuma, Pazkoa, Abendualdia eta Gabonak.
- Nazioarteko egunak: Emakumeak, Boluntariotza, Emakumeen Aurkako Indarkeriaren Desagerraraztea...
- Proiektu espezifikoak: ‘Emakume haiek gu gara’, osasun mentalari buruzkoa (Gizaiderekin lankidetzan).
- Laburpenak (Opil Solidarioa, Boluntariotza Gala...) eta sare sozialetarako bideo laburrak.
- Larrialdi-kanpainak: ahotsa goratu behar gaituzten pertsonen alde inplikatzeko
- Lur Santua
- DANA larrialdia
- Aliantzak eta elkarlana: sentsibilizatzea guztion lana da
- Bertako merkataritza eta enpresak: Azpeitiko eta Lasarte-Oriako merkatari elkarteak, Alzola Basque Water...
- Hezkuntza eta gazteria: Ayete Ikastetxe Nagusia (kontzertu solidarioa), Milbby denda (‘Motxila Solidarioak’)...
- Elizbarrutia eta Cáritas Española: aldizkako argitalpenak, ‘X bikoitza’ kanpaina, ‘Actualidad Diocesana’-n artikuluak...
Atzemandako inpaktuak
- Lagundutako pertsonen ahalduntzea, haien errealitateen bozeramaile egitean.
- Mezuek oihartzun handiagoa lortzea, kezka sozialeko gaiak lantzerakoan. Hala nola, etxebizitza eskubidea edo hotzari aurre egiteko jarduera-protokoloak.
- Komunikabideek gizarte-errealitateekiko duten sentsibilizazioa handitzea, Trintxer-Emeki zentroetara edo Altza Baratza bezalako programetara hurbilduz.
- Gizarte mobilizazioa larrialdi egoeren aurrean.
