Alcampok bigarren eskuko jantzien standa jarri du Irungo (Gipuzkoa) merkataritza-gunean, Moda re- gizarte-ekimenaren laguntzaz. Caritasek sustatzen du, eta helburua da, batetik, jantziak berrerabil daitezen bultzatzea eta, bestetik, talde kalteberak gizarteratu eta laneratzea.  Moda re- ekimenak lehenengoz jarri du standa Euskadiko hipermerkatu batean. Laster proiektua zabalduko da, eta beste Moda re- gune bat ipiniko da Oiartzungo Alcampo hipermerkatuan.

Moda re- txokoa Kooperak kudeatuko du, eta bezeroek 700 erreferentzia inguru izango dituzte 2 eta 20 euro bitarteko prezioan (eskaintzen arabera aldatuko dira).

Moda re- Cáritasek sustatutako gizarte-ekimena da, eta Ekonomia Sozial eta Solidarioaren esparruan kokatzen da. Xede du ehunak bildu, berrerabili eta birziklatzeko prestatzea. Herri-bidean eta beste kokapen pribatu batzuetan (hala nola ikastetxeetan, osasun-zentroetan, supermerkatuetan, etab.) 6.000 edukiontzi ditu. Bigarren bizitza emateko prest dauden jantziak saltzen dira bere 100 dendatan. Bere jardueraren bitartez, Moda re- ekimenak 1.000 lanpostu sortu ditu, eta horietatik 500 bazterkeria-egoeran dauden edo bazterkeria-arriskua duten pertsonentzat dira, Moda re- ekimenaren barruan egiten baitituzte gizarteratze-ibilbideak.

 

Koopera Cáritasen gizarte-proiektua da. 11 probintziatako Ekimen Sozialeko Kooperatibek eta Gizarteratze Enpresek osatutako irabazi-asmorik gabeko erakundeen sarea da, gizarteak baztertu dituen pertsonak edo baztertzeko arriskua dutenak laneratu eta gizarteratzeko. Gaur egun, Kooperak 550 langile inguru ditu, eta horietatik % 55 “gizarteratze-profilak” deritzanak dira.