Aste Santu honetan, Caritas Gipuzkoak gogoeta bat eta keinu txikia proposatzen dizue Ebanjelioaren argitan.

Pazko igandea:

Kristo bizi da eta bizia ematen digu.

"Maria Magdalena ikasleei berri ematera joan zen: – Jauna ikusi dut! –, oihukatzen zuen, eta berak esandakoa kontatzen zien".

Jn 20, 18-19

Berpiztea ez da gertakari erlijioso hutsa, pozez bizitzeko deia da, harreman berriak sortzeko eta bizitza itxaropenez begiratzeko. 

Zer egin dezakezu gaur bizitzeko gogoa eta poza besteei kutsatzeko?

Proposamena: Loreak edo detaile txiki bat norbaiti oparitu, arrazoi berezirik gabe; edo lagunekin/familiarekin topaketa bat antolatu. Edo, besterik gabe, zure inguruan daudenei babesa erakutsi.