Urteko lehen seihilekoan, Donostiako gotzainak, Fernando Pradok, Caritas Gipuzkoako programa eta zentro ezberdinak bisitatu zituen. Ibilbide horren bidez, gure lurraldeko egoera ahulenetan dauden pertsonen errealitatera eta eskaintzen zaien arretara zuzenean hurbildu zen. Bisita bakoitzean, proiektuetan egiten den lan zehatza eta boluntarioen papera ezagutu zituen bertatik bertara. Arreta handiz entzun zuen, oharrak hartu zituen eta lehen iritzi batzuk partekatu zituen, babes eta aintzatespen gisa jasoak izan ziren ekarpenekin.
Ibilbidea otsailean hasi zen Hotzaldi bisitatuz. Bertan, gaueko zentroaren funtzionamendua eta kale-egoeran dauden gazteei zuzendutako Bidelagun programa, orientazio eta gizarteratze-laboralerako laguntza eskaintzen duena, ezagutu zituen.
Egun gutxiren buruan, Trintxer-Emeki eta Sorabillako egoitzetan izan zen, eta bertan eguneroko laguntzak segurtasuna eta komunitatea nola sortzen dituen ikusi zuen. Halaber, Miriam programara hurbildu zen, emakumeen sustapenerako egitasmoa, eta Aterpera ere bai, eguneko zentroa, jantoki soziala eta gaueko ostatu gunea. Azken bisita horretan boluntarioekin eta zentroko langileekin mahaia partekatu zuen, konpromiso kolektiboaren garrantzia islatzen zuen elkargune giro batean.
Martxoan, Lamorus eta Altza Baratza ezagutu zituen gure gotzainak. Bertan, hezkuntza okupazionaleko lana eta gizarte-baratzeen proiektua aurkeztu zizkioten, integrazioa, prestakuntza eta komunitatean lantzea uztartzen dituen ekimena. Geroago, Sarea fundazioan, Errenteria eta Arrasaten garatzen diren gizarteratze-laboralerako proiektu batzuk ezagutu zituen, enplegua aukerak inklusioaren motor bilakatzen diren lekuetan. Hilabete horretan bertan, Hurkoa bisitatu zuen, eguneko zentroa eta adinekoak zein buruko gaitzak dituzten pertsonak laguntzeko egiten den lana ezagutzeaz gain, eukaristia batean parte hartuz.
Apirilean, Gizaidera hurbildu zen, buruko gaixotasunak dituzten pertsonak eguneko zentro batean eta tutoretzapeko etxebizitzetan artatzen diren egoitza. Geroago, Fernando Prado Izan fundazioan izan zen, mendekotasunari lotutako arazoak gertutasunez eta profesionaltasunez lantzen dituena. Maiatzean, Lazkaon, Lurraldeko lana ezagutu zuen, bereziki parrokietako Caritasek egiten duten laguntza. Bertan ere, Animazio Komunitarioa, komunitate-sentimendua pizten duena, loturak indartzen dituena eta Caritas Gipuzkoaren presentzia lurralde osoan sostengatzen duena. Halaber, Lazkaoko baratzean egindako lana ikusteko aukera izan zuen, gizarte-bazterketan dauden pertsonen gizarteratze-laborala helburu duena.
Bisita guztietan boluntarioek modu aktiboan parte hartu zuten, euren testigantza eta konpromisoa eskainiz, eta Caritasen bizitzako pieza funtsezkoa direla beste behin erakutsiz. Hemendik, berriro ere eskerrak eman nahi dizkiegu gizarte bidezkoago bat eraikitzeko eta pertsona guztientzat aukerak sustatzeko egiten duten ekarpenagatik.
Ibilbidea maiatzean amaitu zen, Fernando Prado Caritas Gipuzkoaren egoitza nagusira hurbildu zenean, Donostiako Salamanca pasealekuan. Han, zuzendaritza-taldearekin, programa ezberdinetako arduradunekin eta Administrazio, Boluntariotza eta Komunikazioa arloetako langileekin bildu zen. Azken topaketa horretan, Caritasek Elizaren proiektu gisa gizarteari egiten dion ekarpen garrantzitsua balioan jarri zuen. Era berean, gizarte arretan aitzindari izaten jarraitzera animatu gintuen, behar berriei sormenarekin, konpromisoarekin eta itxaropenarekin erantzunez.
Caritas Gipuzkoatik, gure gotzainak, Fernando Pradok, erakutsitako gertutasuna eta babesa eskertzen ditugu, eta pertsonenganako eta justizia sozialarekiko dugun konpromisoa berresten erantzuten diegu.
