Nazioarteko lankidetza Caritas Gipuzkoak justizia globalarekin duen konpromisoaren adierazpenik sakonenetarikoa da. Herrien arteko elkartasunetik, Hegoalde Globaleko pertsona pobretuen aldeko hautu etiko eta ebanjelikoa berresten du, eskubideen subjektu eta eraldaketaren protagonista gisa aitortuz. Ezberdintasunak, indarkeriak eta krisi klimatikoak zeharkatutako mundu baten aurrean, lankidetza honek lotura iraunkorren eta duintasunaren eraikuntza partekatuaren alde egiten du.
Caritas Españolaren Anaitasunezko Lankidetza Ereduari jarraituz, gure ekintza eliza anai-arreben arteko elkarrekikotasun harremanetan oinarritzen da, garapen integraleko prozesuak sustatuz, duintasunetik eta tokiko protagonismotik. Begirada honek logika asistentziala alde batera uzten du, anaitasun, justizia eta esperantza partekatuko lotura iraunkorrak eraikitzeko.
- Genero-ekitatea eta emakumeen ahalduntzea
Inbertsioa: 200.000 € | Onuradunak: 2.075
Puerto Ricon, Dominikar Errepublikan, Guatemalan, Kolonbian eta Filipinetan (Oblatas), Kenyan (Quebec-eko misiolariak) eta Ekuadorren emakumeekin egindako proiektuei laguntza, indarkeriaren aurkako eta enplegu duina eta lidergo komunitarioa sustatzeko babes-sareak sustatuz.
- Elikagaien segurtasuna
Inbertsioa: 331.945 € | Onuradunak: 27.976
Bolivian, Eritrean eta Bangladeshen garatutako proiektuak, klima-aldaketaren aurrean elikagaien segurtasuna, jasangarritasuna eta erresilientzia komunitarioa hobetzeko.
- Haurren hezkuntza eta ezagutzarako sarbidea
Inbertsioa: 43.000 € | Onuradunak: 708
Beninen, Ekuadorren eta Bolivian hezkuntza guneak indartzea, oinarrizko materialekin, azpiegitura egokiekin eta bazterkeria egoeran dauden haurrei lagunduz.
- Erakundeen indartzea
Inbertsioa: 10.000 € | Onuradunak: 1.500
Caritas Finlandiari laguntza ematea pertsona errefuxiatu eta migratzaileak artatzeko ahalmena areagotzeko, Europako krisi humanitarioaren larritzeari erantzunez.
Atzemandako inpaktuak
- Anaitasunezko aliantza egonkorrak sendotzea, tokiko komunitateen autonomia indartzeko.
- Ahalduntze jasangarria, bereziki, emakume, landa-familia eta komunitate migratzaileengan.
- Hainbat herrialdetako Caritasekin eta tokiko erakunde erlijiosoekin sare-lana sustatzea.
